Arkīws stēisan tēgan: prūsiskan
Samuēls Līnde, aīns iz prūsistikas pagaūwenikans
1771 m. sakkjas 11 d. gimma Samuēls Līnde en Tarūnju. Tāns tikīnuns debīkan pōliskas billas wirdeīnan. Tēt dīgi peisāwuns ezze L. Rēzan be K. Dōnelaitjan. Adder per prūsans tāns ast swarewīngis beggi tāns bēi aīns iz pirmans, kas pagaūwuns zināniskan prūsistikan. Skaitātun tālis
Geōrgu Nesselmanu šandēinan ast 209 mettai! Emni BALTAI – 175 mettai!!!
Geōrgs Nesselmans gimma 1811 m. wassarinas 14 d. prei Ēlbingan. En 1831 m. tāns pagaūwa studītun matemātikin be deināiniskans billans en Kunnegsgarbas uniwersitātei. En 1843 m. pastāi per Kunnegsgarbas uniwersitātis profesōran. En 1845 m. tīnka tenesse dēlan “Prūsiska bilā”, en kawīdsmu tāns nadāi tērpautun termīnan baltiskas billas. Tēt, šin mettan emmens BALTAI ast jāu 175 mettans wāran!!! Skaitātun tālis
Zināniskai nawwiniskai ezze prūsiskan billan
Ezze prūsiskan billan tēnti rettai kas peisāi. Wilnis uniwersitātis Wīdtauts Rinkewičs niwārai bēi peisāwuns miksiskai swāise nawwan lāiskan “Waraprūsiskan” ezze prūsiskas billas istōrijan, dialektans be grammatikin, kawīds teinū jāu pastāi perlazīnts en Mikskātautai.
http://www.baar-verlag.com/Buecher/Altpreussisch.html
Pirzdau dwāi mettans pastāi perlazīnts en Wilnei tenesse lāisks en leītawiskai billai “Prūsistikas gruntai”, kawīdse ēnturs ast palīgus panzdaumasmu lāisku “Waraprūsiskan“. Madlimai skaitātun be enlaukītun din, beggi stas lāisks ast pawīrpai preiēimins stwi:
Prūsiska bilā
Bilā — sta ast nūse naws, labs be prasts wīds makīntun si prūsiskan.
Sta ast dabber aīnan zāngan, kāi tūls zmānes waitjālai prūsiskai, kāi mes turīlimai dabber tūls wisawīdiskans prūsiskans pawīstins: prūsiskan animācijan, prūsiskan kintuppan, prūsiskan muzīkin, prūsiskans lāiskans.
Prūsiska bilā – sta ast prastan be swarewīngi!
Bilāimai prūsiskai per Gīmtas Billas dēinan
Stan rēizan per Gīmtas Billas dēinan mazīngi kirdītun arwiskai labbans prūsiskans pawīstins.
Kaddan gi ni tēr deznimai mazīngi kirdītun prūsiskan bē ni tēt deznimai mazīngi aupaltun ainuntkawīdans nawwans prōjektans prūsiskai (sklaitewīngi, kaddan mes bilāimai ezze kwalitatīwans pawīstins, kwēi prūsiskan kalsāi grazzu be tikrōmiskai), prawerru butewīngi ebzentlitun stans nawwans muzīkis prōjektans:
Dabber aīns prōjekts iz Kunnegsgarban Kellan sen dēinan Prūsa gimtā
Be dīgi āumeningi per Gīmtas Billas dēinan bēi enpeisātan H.G. Pōdēljas wērsan Labban dēinan. Wērsan skaitāi Astars Stakamesseris.