1907-1933 m. tāns dēlawuns en Kunnegsgarbas kunstas akadēmijai.
En 1910 m Kunnegsgarbas Mēstas teāteris swentina swāise 100 mettans, pirms spektaklis en teāterju bēi Šilleras “Wilhelms Tellis”. Šilleras skulptūri bēi teāterju dajā prei gīmsenjas dēinan. Kāigi mōdelan Kāuwerju pozīwuns Kunnegsgarbas āustjas dēliniks (kraūleniks). En 1934 m. praskajjinusis din en skwēran prei Nawwan teāterjan, kwei pamīntlan stalāi ērgi teinū.
Šilleras pamīntlas etwersnā, en Kunnegsgarbas Parādas plattu, 1910 m.
Šilleras pamīntlan TEINŪ
En Instrāpilei en 1924 m. pastāi statīntan S. Kāuwerjas pamīntlan leītawiskamans ulānamans beggi tenēi buwinnusis en Instrāpilis pillei. Ulāns ast jajiks. Ulānan pulks pastāi pagruntints en 1860 m. S. Kāuwerjas ulāns – jajiks na zirgan ast nāgs, be kāigi gērba di, pamīntlu etwerjāntjai en 1924 m. Instrāpilis gennas bēi šōkitas! Pōetesi Elza Kukāri bēi peisāwusi ezze pamīntlas etwersnan tēt:
En wārans kērdans, kaddan statīnusis pamīntlans
Tenēisan erōjai turēi wissan kāigi prawerru – rūkans be ēnrankjan.
