Wāras Rossgartenas kīrkis kapurnas deīktan tēnti
Dīnkun archeōlogu Kōnstantinu Skworcōwu per meddjagan ezze Wāras Rossgartenas kīrkis kapurnan. Kāigi jāu bēi bilītan tēnti na kapurnas deīkatan audāst si nawwas pintis zeisnā. Pirzdau pagaūwinjai zēisnas dēlans ainunts iz archolōgans dāi peisālin, kāi en stessmu deīktu ni ast nika istōriskan, adder ekskawatōramans kapāntjai, enwaidinna si, kāi stwen ast zārkai sen enkaptans.
Jōhans Foigts, istōriniks
Stesse paggan ast interessanti waīstun kas iz Kunnegsgarbas buwītajans enkapts en šissei kapurnai. Wissan pirman, stwi en Wāras Rossgartenas kīrkis kapurnai ēnkapts labbai waīsts istōriniks Johannes Voigt (1786-1863), kawīds bēi peisāwuns Prūsas istōrijas newīnjans tōmans – “Geschichte Preußens von den ältesten Zeiten bis zum Untergange der Herrschaft des Deutschen Ordens”, perlazīntans en Kunnegsgarbu en 1827-1839 mettans.
http://en.wikipedia.org/wiki/Johannes_Voigt
Ernsts Hāgens, kunsteniks
Kits zmanēnts segīwuns tūlan per prūsiskan zinānin ast Ernst August Hagen (1797-1880).
http://de.wikipedia.org/wiki/Ernst_August_Hagen
Tāns bēi Kunnegsgarbas kunstas istōriniks be en 1830 m. tāns pastāi pirms kunstas istōrijas profesōrs en Prūsai. Tāns bēi aīns iz gruntenīkans stesse muzējas “Prūsa”. Ezze 1846 ērgi 1857 m. perlazīnuns “Prūsiskan prōwinciskan lappan (Preußischen Provinzblätter)”. En 1844 m. tāns gruntinnuns “Prūsas prawāriskas enlaukīsnas Perōnin (Die Altertumsgesellschaft Prussia)”.
http://de.wikipedia.org/wiki/Altertumsgesellschaft_Prussia
Tēt dīgi stwi ēnkapts tenesse tāws – Karl Gottfried Hagen (1749-1829), kawīds bēi apōtekeris, be en 1779 m. pastāi fizīkis, kēmijas, bōtanikis be mineralōgijas prōfesōrs. En 1811 m. tāns gruntininuns Kunnegsgarbas bōtaniskan saddan. En 1819 m. tāns perlazīnuns lāiskan “Prūsiskai aūgmenjai”.
Wāras Rossgartenas kīrkis kapurna
http://de.wikipedia.org/wiki/Karl_Gottfried_Hagen
Dabber stwi ēnkapts Christian August Lobeck (1781-1860), klassisks filolōgs.
http://de.wikipedia.org/wiki/Christian_August_Lobeck
Tēt dīgi stwi ēnkapts Friedrich August Gotthold (1778-1858), gīmnazijas “Frīdrichs Kollegium” direktōrs.