En deīktu kwei ānkstais en Kunnegsgarbu bēi Warā Rossgartenas kīrki tēnti zēidja di nawwan pintin, kawīds turri sendātun nawwan tiltan kīrsa Prēigaran be Krāntas alējan. Enkaptāi na šan kapurnan ni pastāi izweztāi en kittan deīktan. Stesse paggan tēnti mazīngi widātun kērpetiтs be wārans zārkans kwei pastāi kaptan sen ekskawatōrans.

En šismu deīktu ānkstais bēi swents aps, iz kawīdan zmānes immi undan ārstitun si.

Izrēizan prei abbans buttans, prei kaīrai bēi Sakakāimas kīrki.

Pirzdau delli mettans nitāli ezze šismu deīktu (prei nawwan tiltan) stas subs pints pastāi zēists pa būwusjan Sākakāimas kīrkin. En Sakakāimas kīrkei, kāigi gērbtan, dabber pirzdau āntran swētas karjaūsnan, ainuntkwei en rūsju pastāi erlaikāts “Wīdawutjas karjangus”, kawīds pastāi perweztan iz Nadraūwan, iz Dargakāiman (miks. Darkehmen). En Dargakāimu ast Patrīmpas gārbs, na kawīdan panzdau stalīwusi karcemā “Trīs deiwāi”. Be na stan kārceman kabba lubā sen glaubātans trins dēiwans, s.a. ka nika palīgu “Wīdawutjas karjangu”. Karcemā iznikkusi en 19 mts. wangai be leītawiskai bilāntjai prūsai perwezzusis “karengun” en Kunnegsgarban – en leītawiskan Sakakāimas kīrkin. Pa karjaūsnan kīrki iznikkuzi zūrgi 1955 m. Be na tennan tūlan mettans lanzēi trāmpints.

Tēnti naws pints jāu ēit pa Sakakāimas kīrkis deīktan (sen Trijjan Dēiwan lubban) be dīwan jāu wīrst gūbuns pa Wāran Rossgartenas kīrkis deīktan.

Mergīkas kērpets sen kekstjan en zārku