Rikīwisks pilligarbs sēnts na Lāutas azzaras krāntan tēnti wīrta en poligōnan stēisan welsipēdenikan. Stwi pastāi zēistāi tūlan tramplīnai, “zeidāi” per jāsnan, pintjai per welsipēdans be t.t. Per stan kakīnslin na galwas suppjans jāu pastāi kaptan ērgi 10-30 cm.

Jāu tūlan kwei turrimai welsipēdiskans (anga moto-) lunkjans na pilligarbans: ppw.,  en Kwēdenawai, en Platugārbu (Nātangas Rāmawa), en Nauwūzas pilligarbu, adder stwi en Lāutas pilligarbu, sta arwiskai segēi debīkan engnessenjan – en pilligarbu ast zūrgi 40 – 50 welsipēdiskans objēktans. Mazīngi preistatīntun si, kāi en Kunnegsgarbu ast ainunts lāims welsipēdisks klubs, kawīds mazzi finansītun stawīdans “prōjektans”.  Tēr per perweztan garrjaskan meddjagan stwi pastāi izlaīstan zūrgi 1000 eurans.

Dirīntjai en stan wissan tīnka tēr ainā pamērisna: tenēi, kwāi zēidusis swāise objēktans, mazēi entikriskai tikīntun stwi delīkan iz istōriskan zēisnan – ppw., turman anga djāgan…