Dwidesīmtas MJR (“Mēnikas Kirsnaraggjas“) festawālajas tēman ast Perkūns. Stesse paggan per stan dēlagan kunsteniks Kinstuttis Balčikōnis bēi glaubāwuns bildjan sen Perkūnan. Stan bildjan plannawusis kabīntun en festiwāljas sallai na lemtan anzanan, kawīdan kadāi trīnkuns Perkūns. Adder audāi si stawīds māgisks prēipalis. Skāutai tēr kabīnusis stan bildjan sen Perkūnan, be pa delli sekūndins pussi anzanas krūwa en zemmin. Tētet simbōliskai Perkūns trīnkuns stan anzanan āntran rēizan en festiwāljas kēsman. Wēlais bildjān kabīnusis nitāli ezze galwas ālku – prei Krēiwan Anzanan sirzdau adlins.
Šin mettan festiwāls ast sēits sen Kīrsnas Saūlis aspēktan – en daggjas 21 d. audāi si Saulistimran. Pastippan sawaītin pa Saulistimran spārtai sūwa aglā. Salā simbōliskai wīrta en undas plattibin.
Kunsteniks Kinstuttis Balčikōnis
Anzans dabber stalāi
Bildjan sen Perkūnan ka tēr kabīnts be dabber kabba…
Debīks anzanas wippis krūwa
Debīks anzanas wippis krūwa entikriskai Perkūnas scēnas līnku
Wēlais Perkūnas bildjān kabīnusis nitāli ezze Ālku prei Krēiwan anzanan sirzdau adlins…
Perkūnas dāinas en ketwirtikan. Waīdils Marjus etwerrja Perkunas Dwarrins !!!
Aperāi Perkūnu
MJR wedikkai wedda wissans Perkunas trumbelenīkans pra Perkūnas Dwarrins – pra dwāi Perkūnas Wazukkans !!!