Trutnaws Archives - Prūsas Tāutas Prēigara https://awizi.twanksta.org/tag/trutnaws/ pirma prūsiska awīzi Mon, 21 Feb 2022 10:13:42 +0000 pru hourly 1 https://wordpress.org/?v=6.7.2 107105543 Jāns Kānters be Trutnawas papīras fabrīki https://awizi.twanksta.org/nawwiniskai/kanters/ Fri, 24 Sep 2021 20:54:04 +0000 https://awizi.twanksta.org/?p=3852 Skaitātun tālis →]]>
Trutnaws. Pints ezze Kunnegsgarbu en Krāntan. Dwāi wētras malūnai na Trutnawas gārban. Rikijjas buttan be papīras fabrīki, gruntintā en 1666 m.

En 1738 m. sillinas 24 d. gimma Jāns Kānters (miksiskai Johann Jacob Kanter) en Kunnegsgarbu, stēisan lāiskan kaupiks.

Tenesse tāws Pīlips Kānters drukkau lāiskans en Kunnegsgarbu.

En 1760 m. Jāns Kānters pagaūwuns swāise dizītiskan stēisan lāiskan en tāwas buttu, en Waramēstas Ilgai gatwei.

En 1764 Jāns Kānters nōmai Līpenkas rādasbutan. Stesse paggan stan rādasbutan pastāi per ebtiksenjas deīktan per wissans waīstans zmānins. En 1769 m. īr Kānts buwinna stwen en rīklju. Jāns Kānters ginjawuns sen Kāntan, Herderan, Hāmanan, Hartknochan be t.t.

En 1775 m. kāupuns papīras fabrīkin en Trutnawu be zēiduns din plattuis. En Trutnawu en stesmu deīktu jāu iz wārans kērdans bēi wilnas welsnas malūns, iz kawīdan en 1666 m. zēidusis papīras fabrīkin. Kunnegs Prīdriks II dāi Jānu Kānteru 12000 tālerjans be Kānters dīgi gruntina en Trutnawu litteran gelzaslajjawa. Be sī Trutnawas litteran gelzaslajjawa bēi ainā ainunta sirzdau Berlīnan be Pētersburgan!!! Trutnawas papīran bēi kāigi perwaidīnsa per wissans prūsiskans papīras fabrīkins.

En 1781 m. Kānters perdāi swāise Kunnegsgarbas laiskeīnan krīzis paggan.

Ērgi 1866 m. dēlai Kānteras laiskeīns en Līpenikas rādasbutu, be panzdau jāu pagaūwas si dizītawa “Gräfe und Unzer”.

Trutnaws. Dwāi wētras malūnai be papīras fabrīki. 19 mts.
Trutnaws. Papīras fabrīki. Wētras malūnai na gārban jāu ni ast. 20 mts.
Trutnaws teinū. Trutnawas gārbs be papīras fabrīkis deīktan teinū. Pirzdau gārban tēnka Steipātas appi.
En papīras fabrīkei en 18 mts.
Līpenikas rādasbutan en Kunnegsgarbu. Jānas Kānteras laiskeīns ast prei tikrai. En 1769 m. stwi en rīklju buwinna I. Kānts.
Laiskeīns Gräfe und Unzer en Parādas plattu, 6.
]]> 3852 Ōta Ēwels, Trutnawas kunsteniks https://awizi.twanksta.org/kalendars/ota-ewels-kunsteniks/ Tue, 23 Feb 2021 12:54:39 +0000 https://awizi.twanksta.org/?p=2999 Skaitātun tālis →]]>
Dwāi kunstenikas dukteres prei krāntan

En 1871 m. wassarinas 21 d. gimma Ōta Ēwels (miksiskai Otto Ewel) en Trutnawu prei Kunnegsgarban, kunsteniks, fotōgrafs.

Ōta Ēwels gimma en Trutnawas kummetjas sēimjai. Tāns ānkstai pagaūwa glaubātun. Adder mazēi makīntun si tēr staddan, kaddan enwārguns be ni mazēi dēlatwei en kāimu.

En 1887 m. pagaūwuns studītwei en Kunnegsgarbas kunstas akadēmijai.

Tēt dīgi tāns makinnuns si en Ēlbingu kāigi fotōgrafs.

En 1906 m. tāns pattina Matildan Bēnišan.

En 1908 m. tāns etwēruns Ōtas Ēwelas kunstas dēlawan en Kunnegsgarbu.

En 1915 m. tenesmu gimma māldaisi (iz wissans ketturins) dukti Marīja, kawīda pastāi per waīstan skulptōrinjan.

En 1915 m. tāns glaubāwuns freskans en Kunnegsgarbas krematōriju en Warmistabbu.

1917 – 1933 m. tāns bēi Kunnegsgarbas kunstas akadēmijas profesōrs.

Ōtas Ēwelas freskas en Kunnegsgarbas krematōriju
Ōtas Ēwelas freska en Kunnegsgarbas krematōriju. Gals izsklaitinna gīwans.
Ōtas Ēwelas freska en Kunnegsgarbas krematōriju
Ōtas Ēwelas freska en Kunnegsgarbas krematōriju
Ōtas Ēwelas freska en Kunnegsgarbas krematōriju
En Kunnegsgarbas krematōriju
Kunnegsgarbas krematōrijan.

]]> 2999