1605 m. līpas 29 d. gimma Sīmōns Dāks (miksiskai Simon Dach) en Mēmelei, prūsisks pōets. S. Dākas tāws (dīgi Sīmōns) bēi Mēmelis līgas talki, bilīwuns miksiskai, leītawiskai, kursiskai be pōliskai. Sīmōnas brāti Jōns dēlawuns dīgi per Mēmelas līgas leītawiskas billas talkin.

1619 m. S. Dāks praskīja en Kunnegsgarban.

1626–1630 m. studīwuns filozōfijan be teolōgijan en Kunnegsgarbas uniwersitātei.

1636 m. S. Dāks bēi peisāwuns Tārawas Annikis tekstan.

1639 m. S. Dāks pastāi per Kunnegsgarbas uniwersitātis profesōran. Pagaūwuns dejātun antīkan literatūrin be pōetikan.

1641 m. S. Dāks wedduns gennan Regīnan Pōlin (Regina Pohl).

1656 m. S. Dāks pastāi per Kunnegsgarbas uniwersitātis rektōran.

Sīmonas Dākas gatwi en Mēmelei teinū wīrta en Sīmonas Dāukantas gatwin. Šāi dwāi emnes ast paligwāi! Sīmons Dāukants ast 19 mettasimtas leītawisks istōriniks.

S. Dākas (S. Dāukantas) gatwi en Mēmelei teinū:

////

S. Dākas gatwi en Kunnegsgarbu teinū:

////

Tārawas Anniki ast S. Dākas wērsas erōjini.

En 1936 m. S. Dākas ginni preddikeris Jōns Particcijus wedduns Tārawas preddikerjas dukterin Annikin Neānderin. En salūbas dēinan S. Dāks dajāwuns Jōnu be Annikei swāise tekstan-grēman:

Tārawas Anniki - mennei milā
Tenā – māise gīwata, labban, algā
 
Tārawas Anniki sēran prei mēn
Wartinna en mīlu be gulsenju stwen
 
Tārawas Anniki, mānta majā
Tū māise dūsi, majs kērmens, kraujā

En 1912 m. en Mēmelei bēi statīnusis pamīntlan Annikei be S. Dāku – Annikis stātuwan. En 2019 m. swentinnusis Annikis 400 mettan jubilējan be en Tārawas kāimu tikinnusis Annikis bareljeffan.

Interessanti, kāi Tārawas Anniki Neānderi bēi peisātajas Hōfmanas prō-pro-anni.

Sī Annikas be S. Dākas fontāni šandēinan perwaidinna spārts palīgjai:

////