Šan naktin iz sakkjas 13 d. en 14 d. Saūli praēit iz Zukkan en Awwinas zentlan pa Weddiskan kalēndaran (Meṣa saṁkrānti). Sta zentli, pa Weddans tēnti audāst si Wassaras Līgjas be pagaūnja si Nawwan mettan, kawīse simbōlan ast Plava “Plaūdan/Aldī”.

Pa Weddiskan prātin, wakkariska astronōmija ni endirēi zemmis precessijan, stesse paggan dāst nitikrōmiskans stēisan Līgjan dātans. Be teinū Saūli prāeit iz chtōniskan undas sfēran en dāngus pannus sfēran. Sta turri preslin dīgi stwi en Baltijai beggi nūsan Wassaras Nawwan mettan ast ezze pāljas 21 d. (Līgjas) ērgi sakkjas 23 d. (Pergrubris).

Undas sfēra sendāst si sen Dāngus Pannus sfēran en gērbai ezze Deināinas gīmsenjan iz jūrjan. Adli (en gērbai “Adli, angzrjan kunnegini ”) izēit iz jūrjan. En folklōrei mergā iz kittan swētan jāt etwārtai en nūsan swētan en galdai, kawīdan wezza skjāuri. Skjāuri ast Kalēndan apperan, zēimas Saūlis simbōlan.  

2025 m. pāljas 20 d. en 11 st. 01 min. audāi si Wassaras Līgjas. Swāikstan senlīgina si sen Timran. Deinā be nakts ast līgjas. Pagaūnja si nawwan Mettas Skrittan. Nawwan mettan. Naws Pagaūsenis.

En šin kēsman audāst si Debs Wīrsenis: Swāikstan ebwarēi Timran. Sta ast Swāikstas swentikai. Nawwa Saūlis swāikstas energīja etskīt be erpilnina Swētan.

Šisse kēsmas galwas deiwāi ast Ukapirms be Swāikstiks.

Galwas aspektai: Swāikstas etwartīnsna be undas swāikstan.

Turrimai preidātun si prei dēiwiskan pannu pra undan. Līgjan simbōlai: deināi, appi tēnkanti en/iz dēinans be tenkantī Saūli pa tēnkantjan iz dēinans appin. En Līgjans Saūli tēnka akrāts en deinammans. Stesse paggan stawīda appi, tenkantī iz dēinans, saūlei tēnkantjai, turri swentan undan. Be tēt pra undan nawwa Saūlis warē erpilnina mans, nūmans sēntjai en stawīdsmu undu. Tēt dīgi saūlei tēnkantjai zmānes ēit prei appin knēiptun swentan undan be perpēda din en buttan.

En wārans kērdans baltai turēi ōbserwatōrijans nadirītun kīrsa saūlin be labbai waīda kwei Saūli tēnka be auskēnda en Līgjans, Kaupālins, Kalēndans.

Tēt dīgi mes waīdimai iz amzjas grēmans be gērbans, kāi Wassaras Līgjas ast sēitas sen Māldas Dēiwis gīmsenjan. En gerbāmans tenā ast Marrjas Zupāni, buwinantī en sallai. En grēmamans tenā ast Mergā, sindantī na krēslan sirzdau marrjans. Ēmperi sen tennan gemma Nawwan Swētan. Sta ast maldā Lāima anga Austrā-Deināina. Teinū Wassaras Līgjan simbōlai ast en Wilidēinan.