baltistiki Archives - Prūsas Tāutas Prēigara https://awizi.twanksta.org/tag/baltistiki/ pirma prūsiska awīzi Thu, 15 Apr 2021 11:43:40 +0000 pru hourly 1 https://wordpress.org/?v=6.7.2 107105543 Ādalberts Beccenbergeris, baltistikis pagaūweniks https://awizi.twanksta.org/kalendars/adalberts-beccenbergeris-baltistikis-pagauweniks/ Tue, 14 Apr 2020 09:58:20 +0000 https://awizi.twanksta.org/?p=1149 Skaitātun tālis →]]>

En 1851 m. sakkjas 14 d. gimma Ādalberts Beccenbergeris (miksiskai Adalbert Bezzenberger).

1859-1869 m. studīwuns si en Prīdrikas licēju en Kunnegsgarbu.

En Gettingenas uniwersitātei tāns mettuns germānistkin, pagaūwuns enlaukītun indōeuropistikin be baltistikin.

1880 – 1921 m. dēlai en Kunnegsgarbas uniwersitātei (trins rēizans na rīndan bēi uniwersitātis rektōrs).

En 1876 m. perlazinna enlaukīsnan ezze wārans prūsiskans emnins.

En 1879 – 1880 m. senrīnka folklōrin en Prūsas Leītawan, enpeisāwuns 67 grēman tekstans be 34 melōdijans.

En 1897 m. tāns perlazinna 14 mts. prūsiskan wirdeīnan (“ēlbingiskan”). 

En 1883 m. tāns perlazinna enlaukīsnan stēisan arāikan sirzdau prūsans be leītawjans en Prūsas Leītawai.

Ezze 1891 – 1916 m. tāns bēi Prūsiskas wāriskas perōnis wediks.

En 1907 m. perlazīnuns enlaukīsnan ezze tirtas prūsiskas katekizmas billan.

En 1912 m. pagruntina Prūsas etnōgrafiskan “Taweīnas” muzēijan prei Kunnegsgarbas Zoō.

Ā. Beccenbergeris ast laikāts kāigi baltistikis pagaūweniks – tāns enlaukīwuns baltiskans billans, folklōrin, literatūrin be archeolōgijas pamīntlans.

En Melnakrāntei Ā. Beccenbergeris turēi buttan 1904-1922 m., prei buttas deīktan teinū stalāi pamīntlan.

Beccenbergerjas buttan en Melnakrāntei
Prūsas Taweīnas muzējan, pagruntintan en 1912 m. pra Ā. Beccenbergerjan en Kunnegsgarbu, prei Zoō


Warā prūsiska kapurna en Prūsas Taweīnas muzēju, 1925 m.
Prūsisks pilligarbs en Prūsas Taweīnas muzēju, 1925 m.
Leītawiska kapurna en Prūsas Taweīnas muzēju, 1912 m.
Prūsas Taweīnas muzējas wedītajs, 1913 m.

Prūsiskas wāriskas perōnis logotīps

Ā. Beccenbergeris be archeolōgiskai pamintlāi, enlaukitāi pra Ā. Beccenbergerjan en Mēmelis tāutai.




]]> 1149